Presidenti i Tottenhamit letër tifozëve: Përgjegjësia është e imja
Sport
Lexohet për: 2 min.
1 vit më parë
Linku u kopjua

Humbja turpëruese me rezultat 6-1 nga Newcastle në Premier Ligë nuk u kalua lehtë nga drejtuesit e kësaj skuadre që si rezultat sot kanë shkarkuar trajnerin Cristian Stellinin.

Për këtë situatë të vështirë nëpër të cilën po kalon klubi, presidenti i Tottenhamit Daniel Levy u ka dërguar një letër tifozëve. Në mesazhin e tij, Levy thotë se humbja ndaj Newcastle ishte e papranueshme, derisa ka falenderuar Stellinin për punën e bërë me klubin.

Për më tepër, ai ka thënë se kjo situatë e krijuar është përgjegjësi e tij dhe e bordit të klubit, përcjellë KosovaPress.

“Performanca e së dielës kundër Newcastle ishte krejtësisht e papranueshme. Ishte shkatërruese për të parë. Ne mund të shohim shumë arsye pse ndodhi dhe ndërsa unë, Bordi, trajnerët dhe lojtarët duhet të marrin të gjithë përgjegjësinë kolektive, në fund të fundit përgjegjësia është e imja. Cristian do të largohet nga roli i tij aktual së bashku me stafin e tij trajner. Cristian mori detyrën në një pikë të vështirë të sezonit tonë dhe dua ta falënderoj për mënyrën profesionale në të cilën ai dhe stafi i tij stërvitor janë sjellë gjatë një kohe kaq sfiduese. I urojmë mirë atij dhe stafit të tij. Ryan Mason do të marrë detyrën e trajnerit me efekt të menjëhershëm. Ryan e njeh mirë klubin dhe lojtarët. Ne do të përditësojmë më tej për stafin e tij stërvitor në kohën e duhur.”, ka thënë ai.

Tutje, Levy ka bërë të ditur se është takuar me lojtarët për të diskutuar situatën aktuale.

“Jam takuar me Komitetin e Lojtarëve sot - skuadra është e vendosur të bashkohet për të siguruar përfundimin më të mirë të mundshëm të sezonit. Të gjithë e kemi të qartë se duhet të ofrojmë shfaqje që fitojnë mbështetjen tuaj të mahnitshme.”, thuhet në fund të letrës së Levyt.

Kjo webfaqe mirëmbahet dhe menaxhohet nga Agjencia e Lajmeve KosovaPress. KosovaPress mban të drejtat e rezervuara me copyright sipas dispozitave ligjore për të drejtat e autorit dhe pronës intelektuale. Përdorimi, modifikimi dhe shpërndarja për qëllime komerciale pa marrëveshje me KosovaPress, ndalohet rreptësisht.
Ky aplikacion uebsajti është zhvilluar me mbështetjen e #SustainMedia Programme, i bashkëfinancuar nga Bashkimi Evropian dhe Qeveria Gjermane, ndësa implementohet nga GIZ, DW Akademie dhe Internews. Përmbajtja e tij është përgjegjësi vetëm e KosovaPress dhe nuk pasqyron domosdoshmërisht pikëpamjet e BE-së apo të Qeverisë Gjermane.
Të gjitha të drejtat e rezervuara nga A.P.L. KosovaPress © 2002-2024