Ylli i Barcelonës nuk mundi të ecte pas përplasjes me Militaon
Sport
Lexohet për: 2 min.
1 vit më parë
Linku u kopjua

Sulmuesi i Barcelonës, Robert Lewandowski ka zbuluar se kishte mbetur i paaftë për të ecur, pas një përplasje të rëndë me Eder Miliaton e Real Madridit gjatë “El Clasicos” së javës së kaluar.

Kapiteni i Kombëtares së Polonisë morri një goditje me gju në shpinën e tij nga Militao, gjatë humbjes 4:0 të Barcelonës ndaj Real Madridit në gjysmëfinalen e Kupës së Mbretit, raporton KosovaPress.

Lewandowski thuhet se po vuan nga dhimbjet në shpinë si pasojë e kësaj goditje, e cila e kishte lënë trupin e tij në një mënyrë të keqe.

Lewandowski kishte kërkuar të zëvendësohet kundër Realit sipas “Mundo Deportivos”, por vazhdoi të luante përgjatë një periudhe tejet të vështirë në pjesën e dytë të ndeshjes.

“Morra një goditje ndaj Realit, por unë gjithmonë dua të luaj. Në pjesën e dytë kundër Realit ishte e vështirë. Më duhej të kërkoja zëvendësimin. Dje u zgjova dhe nuk mund të ecja, por unë provova të luaj pa asnjë problem. Ne punojmë me fizioterapeutët. Është pjesë e futbollit. Gjithmonë mundohem të jem i gatshëm për shokët e mi”, tha Lewandowski.

Lewandowski ishte i gatshëm sa duhet për të qenë titullar në barazimin 0:0 të Baracelonës në La Liga kundër Gironas të hënën.

Kjo webfaqe mirëmbahet dhe menaxhohet nga Agjencia e Lajmeve KosovaPress. KosovaPress mban të drejtat e rezervuara me copyright sipas dispozitave ligjore për të drejtat e autorit dhe pronës intelektuale. Përdorimi, modifikimi dhe shpërndarja për qëllime komerciale pa marrëveshje me KosovaPress, ndalohet rreptësisht.
Ky aplikacion uebsajti është zhvilluar me mbështetjen e #SustainMedia Programme, i bashkëfinancuar nga Bashkimi Evropian dhe Qeveria Gjermane, ndësa implementohet nga GIZ, DW Akademie dhe Internews. Përmbajtja e tij është përgjegjësi vetëm e KosovaPress dhe nuk pasqyron domosdoshmërisht pikëpamjet e BE-së apo të Qeverisë Gjermane.
Të gjitha të drejtat e rezervuara nga A.P.L. KosovaPress © 2002-2024