"Alergjia e polenit prek më së shumti fëmijët"
Shëndetësi
Lexohet për: 2 min.
1 vit më parë
Linku u kopjua

Ardhja e pranverës sjell probleme për personat me alergji ndërsa fëmijët janë ndër më të prekurit nga rritja e alergjisë ndaj polenit në këtë periudhë, transmeton Anadolu.

Specialisti i Imunologjisë Pediatrike dhe Sëmundjeve Alergjike në Spitalin Ndërkombëtar të Ankarasë Medicana, prof. dr. Cem Hasan Razi në deklaratën e tij ka dhënë informacione për alergjinë ndaj polenit, incidenca e së cilës rritet me muajt e pranverës.

Ai tha se poleni përhapet nga bimët në mjedis në kushte të përshtatshme sezonale. Razi theksoi se nëse thithen polenet mund të shihen simptomat e rinitit alergjik si teshtitja, rrjedhja e hundës, kruarja dhe kongjestion i hundës.

Sipas tij, alergjia ndaj polenit prek shumë organe. "Simptomat e konjuktivitit të alergjisë si kruajtje, lotim, skuqje dhe ënjtje e qepallave, kollë, gulçim, simptoma të astmës, përfshirë shtrëngimin në gjoks dhe rrallë herë në lëkurë mund të shihen edhe kruajtje, ekzemë dhe urtikarie", tha Razi.

Duke theksuar se fëmijët me alergji ndaj polenit mund të kenë edhe kollitje gjatë natës, kollitje me përpjekje ose gulçim, Razi tha se vërehen edhe simptoma të tilla si lodhje, dobësi dhe humbje oreksi.

- Trajtimi sipas llojit të alergjisë

Razi tha se nëse shfaqen simptoma të alergjisë tek fëmijët, duhet të konsultohet një alergolog pediatrik. Ai tha se diagnoza mund të bëhet lehtësisht me test alergjen të lëkurës, në raste të veçanta diagnoza mund të bëhet me analizat e alergjisë në gjak.

"Duke i shpjeguar të prekurit metodat e mbrojtjes nga alergjia mund të sigurojë që ta kalojë më qetë stinën e pranverës. Në varësi të llojit dhe ashpërsisë së alergjisë, te individët e diagnostikuar mund të kryhen shumë trajtime. Kur është e nevojshme, është e mundur të lehtësohet apo edhe të eliminohet plotësisht gjendja alergjike me një trajtim de-sensibilizimi të quajtur imunoterapi", tha Razi./AA

A duhet të testohen mësimdhënësit?
Po
Jo
Nuk e di
Voto
253
Kjo webfaqe mirëmbahet dhe menaxhohet nga Agjencia e Lajmeve KosovaPress. KosovaPress mban të drejtat e rezervuara me copyright sipas dispozitave ligjore për të drejtat e autorit dhe pronës intelektuale. Përdorimi, modifikimi dhe shpërndarja për qëllime komerciale pa marrëveshje me KosovaPress, ndalohet rreptësisht.
Ky aplikacion uebsajti është zhvilluar me mbështetjen e #SustainMedia Programme, i bashkëfinancuar nga Bashkimi Evropian dhe Qeveria Gjermane, ndësa implementohet nga GIZ, DW Akademie dhe Internews. Përmbajtja e tij është përgjegjësi vetëm e KosovaPress dhe nuk pasqyron domosdoshmërisht pikëpamjet e BE-së apo të Qeverisë Gjermane.
Të gjitha të drejtat e rezervuara nga A.P.L. KosovaPress © 2002-2024