Arsenal ka dështuar të arkëtojë tri pikë në përballjen e radhës, duke humbur kështu mundësinë për shkurtimin e diferencës me liderin Liverpool.

Topçinjtë si mysafirë nxorën vetëm një pikë ndaj Fulham duke luajtur baras sot me rezultatin 1:1.

Goli i parë në stadiumin “Craven Cottage” u shënua nga skuadra vendëse përmes Raul Jimenez, pas asistimit të Kenny Tete në minutën e 11-të.

Futbollistët e Mikel Arteta arritën barazimin shtatë minuta pas fillimit të pjesës së dytë me golin e mbrojtësit William Saliba, pas asistimit të Kai Havertz.

Pas 15 xhirosh në Premier Ligë, skuadra e Arsenalit mbetet në pozitën e dytë me 29 pikë, gjashtë më pak se lideri Liverpool me një ndeshje më pak pas anulimit të takimit m Evertonin për shkak të motit të keq. Fulham ndërkaq renditet në pozitën e 9-të me 23 pikë.

Në dy ndeshjet e tjera të ditës Ipswich humbi nga Bournemouth 1:2, ndërsa Leicester barazoi me Brighton - 2:2.

Sot zhvillohet edhe ndeshja tjetër Tottenham Hotspur – Chelsea nga ora 17:30, ndërsa xhiroja e 15-të e Premier Ligës përmbyllet të hënën me duelin West Ham-Wolves nga ora 21:00.