Arsenali bën gati 50 milionë euro për yllin e Serie-A

Arsenali bën gati 50 milionë euro për yllin e Serie-A

Arsenali thuhet se po përgatitet të bëjë një ofertë prej 50 milionë euro për sulmuesin e Romës, Tammy Abraham.

24-vjeçari u transferua në Itali nga Chelsea verën e kaluar dhe ka përjetuar një sezon mbresëlënës për skuadrën e Jose Mourinhos, duke shënuar 24 gola dhe duke regjistruar pesë asistime në 46 paraqitje.


“Blutë” kanë një klauzolë kthimi prej 80 milionë euro, megjithëse skuadra e Thomas Tuchel nuk mund ta aktivizojë atë deri në verën e ardhshme, dhe së fundmi ka pasur spekulime se anglezi mund të kthehet në Premier League këtë verë, aty ku edhe Manchester United e admiron.

Megjithatë, sipas “Daily Star”, Arsenali është aktualisht në pozitën më të mirë, me “Topçinjtë” që raportohet se janë të gasthëm të paraqesin një ofertë prej 50 milionë eurosh për qendërsulmuesin në afatin kalimtar veror, përcjellë KosovaPress.

Raporti pretendon se ky operacion do të mund të mbyllej me më shumë lehtësi nëse Arsenali siguron pozitën e katërt në tabelë dhe të luajë në Ligën e Kampionëve në sezonin e ardhshëm.

Lexo edhe

Video