Arrin në 11 numri i viktimave prej stuhive të forta në Itali

Arrin në 11 numri i viktimave prej stuhive të forta në Itali

Kryeministri italian Mario Draghi vizitoi rajonin e goditur nga stuhia Marche, duke i quajtur përmbytjet vdekjeprurëse një “katastrofë” dhe duke premtuar mbështetje për zonat e prekura.

Numri i të vdekurve nga shirat shkatërrues dhe përmbytjet është rritur në 11, me dy të zhdukur, sipas prefekturës së kryeqytetit rajonal, Ankonës.

Presidenti i Rajonit Francesco Acquaroli i ka kërkuar qeverisë së Romës të shpallë gjendjen e jashtëzakonshme, ndërsa qeveria të japë ndihmë urgjente prej 5 milionë eurosh.


Pas thatësirës dhe nxehtësisë ekstreme të pranverës dhe verës, Italia së fundmi u godit nga stuhi të forta. Por situata aktuale në Marche, në bregdetin e Adriatikut, ka qenë më e keqja.

Papa Françesku komentoi fatkeqësinë në një intervistë për gazetën dhe u bëri thirrje politikanëve që të shqyrtojnë arsyet e fenomeneve të tilla të motit.

“Përmbytja dramatike në rajonin Marche, e cila ka shkaktuar dhimbje, shkatërrim dhe dhimbje në të gjithë vendin, është prova tjetër se lufta për klimën meriton të njëjtën vëmendje si Covid-19 dhe lufta”, theksoi Papa për gazetën e përditshme ”Il Mattino”. /ATSh-DPA/

Lexo edhe

Video