Lajme   Biznes   Sport   Covid-19   Video   Kulturë   Magazina   Ngjarje

Ardhja e rreth 5.000 vaksinave antiCOVID, reagon ish-ministri Zemaj

Ardhja e rreth 5.000 vaksinave antiCOVID, reagon ish-ministri Zemaj

Ish-ministri i Shëndetësisë Armend Zemaj ka thënë se ardhja e 4 mijë e 680 vaksinave të Pfizer është një lajm i mirë.

Ai në një postim në Facebook ka thënë se miqësia jonë me popullin austriak është e përjetshme.

“Austria përveç këshillimeve që i kemi pasur na shtriu dorën me vaksina, ashtu si gjatë historisë. Çdo vaksinë është e mirëseardhur. Gjatë vizitës zyrtare në Vjenë, në takim me ministrin federal të Shëndetësisë, Rudolf Anschober, pata theksuar se miqësia e popullit austriak për popullin tonë është vlerë e veçantë”, shkruan Zemaj.


Ai me këtë rast ka falënderuar ambasadorin e Austrisë në Prishtinë, Christoph Weidinger dhe ish-ministrin Rudolf Anschober, presidenten e KE-së Ursula von der Leyen dhe komisionarin për Zgjerim Oliver Varhelyi, duke thënë se miku njihet në ditë të vështira.

Ndryshe, sot në Kosovë kanë ardhur rreth 5 mijë doza të vaksinës Pfizer/BioNTEch nga 95 mijë sa janë planifikuar të vijnë.

Ministria e Shëndetësisë ka bërë të ditur se procesi i vaksinimit do të vazhdojë nesër duke filluar nga ora 10:00, në sallën “1 Tetori” në Prishtinë.

Kosova është ndër vendet e fundit në botë që ka nisur vaksinimin, pas ardhjes së 24 mijë dozave të vaksinave AstraZeneca në fund të muajit mars, të cilat tashmë kanë mbaruar.

Lexo edhe

Video

1 Koment

Komentet janë të mbyllura.

error: