Ambasadori i Francës në vendin tonë, Olivier Guerot, së bashku me zëvendësin e tij, Xavier Rouard, qëndroi sot për një vizitë në Agjencinë e lajmeve KosovaPress.
Ambasadori Guerot është njohur nga afër me punën e KosovaPress-it, për informim të saktë dhe të drejtë, sidomos në këtë kohë kur dezinformimi po gjen hapësirë në Kosovë. Gjithashtu ai u njoftua për së afërmi me stafin, hapësirat dhe teknikën që posedon KosovaPress-i.
Skënder Krasniqi se bashku më zv.drejtoreshën Merita Gashi e njoftuan gjithashtu me angazhimin dhe mundësitë e bashkëpunimit që KosovaPress ka tani pas anëtarësimit në Rrjetin e Agjencive të Lajmeve ballkanike dhe të Evropës Juglindore ABNA-SEE ( https://abnase.com ) si dhe në Asociacionin Evropian të Agjencive të Lajmeve EANA ( https://www.newsalliance.org/ ).
Po ashtu, në vazhdën e bashkëpunimit me të gjitha agjencitë botërore të lajmeve, ambasadori është njoftuar për marrëveshjet e bashkëpunimit që KosovaPress ka me Agjencitë e lajmeve, marrëveshje qe i mundësojnë agjencive të huaja dhe mediave që të marrin çdo ditë e me shumë me shumë lajmeve nga rajoni, Evropa dhe bota.
Abasadori Guerot u interesua për punën dhe falënderoi KosovaPress-in për pritjen duke u shprehur i gatshëm për rritjen e bashkëpunimit me ambasadën si dhe për mundësitë e mëdha të përkrahjes së bizneseve franceze dhe bizneseve tona në Kosovë dhe Francë.
