Aksidentohet autobusi kosovar në Austri, 20 të lënduar

Një autobus që po udhëtonte nga Kosova në drejtim të Gjermanisë është aksidentuar në Austri.

Sipas mediave austriake, aksidenti ka ndodhur në orët e hershme të së enjtes dhe janë lënduar afro 20 persona, prej tyre tre më rëndë.

Të lënduarit aktualisht po marrin trajtim në spitalin e Salzburgut.

Autobusi është aksidentuar në autostradën që çon në drejtim të Vjenës, në afërsi të Eugendorf.

Raportohet se autobusi ishte përplasur me rrethojat mbrojtëse të autostradës.