Ahmeti i dëshpëruar me deklaratat e Kurtit për gjuhën shqipe në Maqedoni
Lajme
Lexohet për: 2 min.
2 ditë më parë
Linku u kopjua
Kryetari i Bashkimit Demokratik për Integrim (BDI) Ali Ahmeti ka komentuar deklaratën e kryeministrit Albin Kurti se në Maqedoninë e Veriut nuk ekziston ligji për përdorimin zyrtar të gjuhës shqipe.
Ahmeti, i cili ishte prezent në ceremoninë e organizuar për Ditën e Veteranit, tha se Kurti ka qenë i keq informuar lidhur me gjuhën zyrtare shqipe dhe sipas tij, kryeministri i Kosovës duhet të jetë i kujdesshëm në zhvillimet dhe prononcimet e tij, pasi që ka shkaktuar indinjatë te qytetarët.
Kreu i BDI-së ka komentuar edhe çështjen e ish-zëvendëskryeministrit nga radhët e kësaj partie Artan Grubin, për të cilin tha se është i gatshëm të përgjigjet përpara drejtësisë.
Artan Grubi thuhet se është larguar nga Maqedonia e Veriut më 15 dhjetor dhe autoritetet ende nuk bëjnë të ditur nëse kanë informacione se ku ndodhet. Grubi është i dyshuari i dytë për keqpërdorime në Lotarinë Shtetërore. Në këtë rast i përfshirë është edhe ish-drejtori i Lotarisë, Përparim Bajrami, i cili po ashtu është në arrati. Një javë para aktakuzës së Prokurorisë, Grubi bashkë me gjykatësin e apelit Enver Bexheti u vendos në listën e zezë amerikane.
