6 të plagosur nga sulmi me thikë në stacionin e trenit në Paris • KosovaPress

Biznes

Intervista

Rrëfimi për rrugëtimin e “shtëpisë së sportit” drejt ndërkombëtarizimit

Lajme

Përkujtohen Mujë Krasniqi e 41 dëshmorët e tjerë, kërkohet shfuqizimi i Speciales

Rajoni

Pronësia ruse, SHBA do të vendosë sanksione ndaj industrisë së naftës në Serbi

6 të plagosur nga sulmi me thikë në stacionin e trenit në Paris

Lexohet për: 1 min.

1 vit më parë

Linku u kopjua

Gjashtë persona u plagosën në një sulm me thikë në stacionin e trenit më të ngarkuar të Parisit të mërkurën në mëngjes, tha ministri i brendshëm i vendit.

Një i dyshuar me thikë sulmoi disa njerëz në stacionin e trenit Gare du Nord dhe plagosi gjashtë prej tyre, duke përfshirë një oficer policie, konfirmoi Gerald Darmanin pasi vizitoi vendin e ngjarjes.

Ai shtoi se dy policë kanë gjuajtur tre të shtëna dhe kanë arritur ta neutralizojnë të dyshuarin.

“Sulmuesi është mes jetës dhe vdekjes në këtë moment, në spital”, tha Darmanin, duke shtuar se i dyshuari nuk mbante asnjë dokument identifikimi, por do të identifikohet së shpejti.

Prokurorët e Parisit kanë nisur një hetim për sulmin, tha ai.

Darmanin falënderoi gjithashtu punonjësit e policisë për reagimin e shpejtë, oficerët e sigurisë të operatorit hekurudhor SNCF dhe kalimtarët.

Shkaqet dhe motivet e sulmit mbeten të panjohura.

Gare du Nord nuk është vetëm stacioni hekurudhor më i ngarkuar i Parisit, por ai i Evropës, me mbi 292 milionë pasagjerë që kanë përdorur stacionin në vitin 2021, sipas të dhënave të SNCF./AA

Paris

Klikoni këtu nëse dëshironi t'i lexoni lajmet e fundit dhe të përzgjedhura në kanalin tonë zyrtar në Viber.

Kjo webfaqe mirëmbahet dhe menaxhohet nga Agjencia e Lajmeve KosovaPress. KosovaPress mban të drejtat e rezervuara me copyright sipas dispozitave ligjore për të drejtat e autorit dhe pronës intelektuale. Përdorimi, modifikimi dhe shpërndarja për qëllime komerciale pa marrëveshje me KosovaPress, ndalohet rreptësisht.

Ky aplikacion uebsajti është zhvilluar me mbështetjen e #SustainMedia Programme, i bashkëfinancuar nga Bashkimi Evropian dhe Qeveria Gjermane, ndësa implementohet nga GIZ, DW Akademie dhe Internews. Përmbajtja e tij është përgjegjësi vetëm e KosovaPress dhe nuk pasqyron domosdoshmërisht pikëpamjet e BE-së apo të Qeverisë Gjermane.