Akademia e Shkencave dhe e Arteve e Kosovës dhe Akademia e Shkencave e Shqipërisë kanë mbajtur konferencën shkencore “Zhvillimi i konstitucionalizmit shqiptar 1912-2024. Në 34 vjetorin e miratimit të Deklaratës Kushtetuese të 2 korrikut, deputetë të atëhershëm të Kuvendit të Kosovës kanë treguar për kushtet në të cilat ishin mbledhur dhe se ishin të rrethuar nga forcat policore e shërbimi sekret serb.

Nënkryetari i Kuvendit të atëhershëm të Kosovës, Iljaz Ramajli theksoi se Deklaratës Kushtetuese të 2 korrikut i ka paraprirë unifikimi i plotë shqiptar.

Muharrem Shabani, i cili lexoi Deklaratën Kushtetuese të 2 korrikut theksoi se kuvendi i atëhershëm u mbajt në kushte të jashtëzakonshme e nën rrethimin e shërbimeve sekrete serbe.

Në këtë konferencë shkencore, ai shtoi se Deklarata Kushtetuese ishte pikënisje për kushtetutën dhe referendumin.

Për hartimin dhe miratimin e Kushtetutës së Kosovës më 7 shtator 1990, foli Ismet Salihu, i cili tha se gjatë dy muajve është punuar vetëm natën dhe në mënyrë ilegale.

Para 34 vitesh është miratuar Deklarata Kushtetuese e 2 korrikut të vitit 1990, e cila u shpall nga delegatët e Kuvendit të Kosovës. Ky është akti që shënoi hapin historik institucional të pavarësimit të Kosovës. Miratimi i Deklaratës Kushtetuese u zhvillua në kushte të jashtëzakonshme, të rrethuara nga forca policore serbe.

Lajmi i plotë në sistemin me parapagim...