179 raste të reja me COVID-19 sot në Shqipëri

179 raste të reja me COVID-19 sot në Shqipëri

Në 24 orët e fundit në Shqipëri kanë rezultuar të infektuar me COVID 179 qytetarë nga 1.150 testime, ndërsa kanë humbur jetën edhe dy pacientë.

Ministria e Shëndetësisë njofton se më së shumti raste të reja janë regjistruar në Tiranë – 79, pasuar nga Dimal, Lushnje me nga 10, Kruja 7, Durrësi 6 etj.

Janë 6383 pacientë aktivë me COVID-19 në të gjithë vendin. Aktualisht në spitalet COVID po marrin trajtim 98 pacientë, nga të cilët 10 janë në gjendje më të rënduar.


Me gjithë përpjekjet e mjekëve, në 24 orët e fundit kanë vdekur një qytetar nga Dibra 60-vjeç dhe një nga Kolonja 66-vjeç.

Janë shëruar 213 qytetarë gjatë 24 orëve të fundit, duke e çuar numrin e të shëruarve në 201.282.

Që nga shpërthimi i epidemisë, me koronavirus në Shqipëri janë konfirmuar  210.885 raste pozitive, prej tyre 201.282 janë shëruar, 6.383 janë aktive, ndërsa betejën me sëmundjen e rrezikshme e kanë humbur 3.220 pacientë.

Lexo edhe

Video