Lajme   Biznes   Sport   Covid-19   Video   Kulturë   Magazina   Ngjarje

15 ankesa adresohen në PZAP për rezultatin përfundimtar të zgjedhjeve

15 ankesa adresohen në PZAP për rezultatin përfundimtar të zgjedhjeve

Pas publikimit të rezultateve përfundimtare nga Komisioni Qendror Zgjedhor(KQZ), në Panelin Zgjedhor për Ankesa dhe Parashtresa (PZAP), deri tash janë parashtruar 15 ankesa nga kandidatë të ndryshëm të subjekteve politike të cilat kanë shprehur pakënaqësitë e tyre për rezultatin zgjedhor.

Mul Desku nga PZAP theksoi për KosovaPress, se deri në orën 17:00 në këtë Panel janë pranuar 15 ankesa kundër publikimit të rezultateve përfundimtare të publikuara nga KQZ-ja.

Ai tha se pretendimet e këtyre kandidatëve janë se iu është bërë e pa drejtë me rezultatin zgjedhor.


“Paraqitja e ankesave është në proces. Ankesa ka, deri tash i kemi pranuar 15 ankesa nga kandidatë të ndryshëm për parregullsi eventuale nëse ka pasur gjatë numërimit dhe mos përputhjes së rezultateve nga formularët për kandidatë”, thotë Desku.

Subjektet politike mund të parashtrojnë ankesat deri 24 orë pas publikimit të rezultateve përfundimtare.

Në bazë të rezultateve përfundimtare, VV ja është partia e parë me 49.95 përqind, e pasuar nga PDK-së, me 16.9 përqind, LDK-ja me 12.64 përqind, AAK 7.078 përqind.

Lexo edhe

Video

1 Koment

Komentet janë të mbyllura.

error: