​Të paktën 38 persona të vdekur në një qendër të migrantëve afër kufirit me SHBA-në
Lajme
Lexohet për: 2 min.
1 vit më parë
Linku u kopjua

Të paktën 38 persona kanë vdekur në një qendër për migrantë në Meksikë, si pasojë e zjarrit që zyrtarët kanë thënë se ka nisur përgjatë një proteste kundër dëbimit të tyre.

Shumica e viktimave kanë udhëtuar nga Amerika Qendrore dhe ajo Jugore, në tentim e sipër për të hyrë në Shtetet e Bashkuara.

Ata janë nisur drejt kufirit, në pritje të skadimit të një mase të fuqizuar përgjatë pandemisë së koronavirusit, e cila i ka dhënë mundësi Qeverisë amerikane që të dëbojë migrantët që tentojnë ta kalojë kufirin, shkruan REL.

Mediat lokale kanë thënë se migrantët brenda ndërtesës, ku është përhapur zjarri, janë marrë nga autoritetet të hënën dhe janë dërguar në qendër.

Kjo qendër gjendet afër urës Stanton-Lerdo, e cila e lidh Meksikën me Shtetet e Bashkuara.

Autoritetet meksikanë kanë thënë se të vdekurit dhe të plagosurit janë nga Guatemala, Hondurasi, Venezuela, El Salvadori, Kolumbia dhe Ekuadori.

Presidenti i Meksikës, Andrés Manuel López Obrador, ka thënë se migrantët ua kanë vënë zjarrin disa shtretërve.

“Mendoj se ka qenë e lidhur me një protestë që ka nisur kur e kanë mësuar se do të dëbohen”, ka thënë ai.

“Ata nuk e kanë pritur që do ta shkaktojnë këtë tragjedi të tmerrshme”, ka shtuar ai.

Sekretari i Përgjithshëm i Kombeve të Bashkuara, Antonio Guterres, ka bërë thirrje për një hetim të plotë të rastit.

Kjo webfaqe mirëmbahet dhe menaxhohet nga Agjencia e Lajmeve KosovaPress. KosovaPress mban të drejtat e rezervuara me copyright sipas dispozitave ligjore për të drejtat e autorit dhe pronës intelektuale. Përdorimi, modifikimi dhe shpërndarja për qëllime komerciale pa marrëveshje me KosovaPress, ndalohet rreptësisht.
Ky aplikacion uebsajti është zhvilluar me mbështetjen e #SustainMedia Programme, i bashkëfinancuar nga Bashkimi Evropian dhe Qeveria Gjermane, ndësa implementohet nga GIZ, DW Akademie dhe Internews. Përmbajtja e tij është përgjegjësi vetëm e KosovaPress dhe nuk pasqyron domosdoshmërisht pikëpamjet e BE-së apo të Qeverisë Gjermane.
Të gjitha të drejtat e rezervuara nga A.P.L. KosovaPress © 2002-2024