Kombëtarja e Kosovës U17 në futboll, vazhdon përgatitjet për kualifikimet e Evropianit 2027

Kombëtarja U17, në futboll ka zhvilluar një kamp dyditor seleksionues, si pjesë e përgatitjeve për raundin e dytë kualifikues të Kampionatit Evropian 2027, i cili do të zhvillohet në fund të këtij muaji në Antalia.

Përzgjedhësi Arbnor Morina, si dhe stafi i tij kanë punuar me futbollistët nga klubet vendore, kryesisht të gjeneratës 2009, për të cilët ky është cikli i fundit në këtë grupmoshë. Para udhëtimit, Kombëtarja do të zhvillojë edhe një grumbullim dyditor në Kampin Nacional në Hajvali, ku do të përgatiten futbollistët për ndeshjet e Grupit 7 të Ligës B.

Kosova do të përballet me 25 mars me Holandën dhe më 28 mars me Bjellorusinë.

KosovaPress