​Sipas statistikave, Feynoordi më i mirë se Roma në pjesën e parë

​Sipas statistikave, Feynoordi më i mirë se Roma në pjesën e parë

Ka përfunduar pjesa e parë e ndeshjes finale të Ligës së Konferencës ku po ballafaqohen Roma dhe Feynoordi.

Në një sfidë që filloi me shumë qetësi por që ritmi u shpejtuar në 15 minutat e fundit, u realizua vetëm një gol, transmeton KosovaPress.

Skuadra e Jose Mourinhos e gjeti golin e epërsisë në minutën e 33-të kur mesfushori ofanziv Nicolo Zaniolo shënoi nga afërsia për 1-0.

Përkundër golit të pësuar, skuadra holandeze është treguar më e mirë gjatë 45 minutave të para.


Sipas statistikave të pjesës së parë, Feynorrdi e ka mbajtur posedimin e topit me 59 përqind, pastaj ka pasur pesë tentime për gol, kundrejtë dy të Romës.

Po ashtu Feynoordi pati dy goditje brenda portës, kurse Roma vetëm një, e cila përfundoi në rrjetë.

Përveç fushës, një “ndeshje” po zhvillohet në tribuna ku të dy taborët e tifozëve po shfaqin spektakël duke mbështetur skuadra e tyre në fushë.

Stadiumi “Air Albania” është i stërmbushur me tifozë.

Lexo edhe

Video