​Shqiptohen 2 mijë e 223 gjoba për qytetarët që nuk respektuan masat antiCOVID-19

​Shqiptohen 2 mijë e 223 gjoba për qytetarët që nuk respektuan masat antiCOVID-19

Për një ditë Policia e Kosovës ka shqiptuar 2 mijë e 223 gjoba për qytetarët që nuk respektuan masat antiCOVID-19.

Ndërkohë që prej 30 gushtit kur edhe kanë hyrë në fuqi masat e marra nga Qeveria e Kosovës për të parandaluar përhapjen e virusit korona, policia thuajse çdo ditë ka shqiptuar mbi 4 mijë gjoba.


Pati zëra që këto gjoba po vien si urdhër nga Ministria e Punëve të Brendshme, por edhe duke thënë se po ka selektime. Por të gjitha këto, i ka mohuar ministri i Punëve të Brendshme, Xhelal Sveçla.

Svecla në emisionin e mëngjesit në Radio Televizionin Publik theksoi se masat duhet të zbatohen nga të gjithë, pa përjashtim.

“I kuptoj disa tendenca për me deviju qoftë debatin apo qëllimin e mirë të institucioneve dhe policisë së Kosovës. Urdhri është jashtëzakonisht i qartë. Masat duhet të zbatohet nga të gjithë, nuk ka asnjë përjashtim. Nuk është që Policia e Kosovës e dënon këtë popull apo këtë shoqëri siç kanë dashtë disa ta prezantojnë. Policia e Kosovës është duke marrë masa në mënyrë që të sjellim një situatë tjetër ku zbatohen këto kërkesa e të cilat do ta mbronin qytetarin e këtij vendi. Nëse një qytetar ndëshkohet sepse e ka bërë një shkelje me atë ndëshkim ne sjellim edhe vetëdijesim të tij por edhe një pasqyrim për të tjerët në mënyrë që të mbrohet populli ynë. Dënimi i dikujt nuk po bëhet përshkak të dënojmë dikë as për inat e as për të mbledhur atë dënimin si formë monetare. Jo, jo, kjo po bëhet në mënyrë që të respektohen masat të cilat shkencërisht janë dëshmi që sjellin zbritjen e infektimeve me këtë edhe mbrojtjen e jetës së qytetarit tonë dhe kjo nuk është e vetmja masë”, tha Sveçla.

Lexo edhe

Video

error: