​Qeveria iu shpreh ngushëllime familjeve të dy viktimave të përmbytjeve në Gjermani

​Qeveria iu shpreh ngushëllime familjeve të dy viktimave të përmbytjeve në Gjermani

Qeveria e Republikës së Kosovës, me shqetësim po e përcjellë gjendjen e rënduar pas vërshimeve në Gjermani, ku si pasojë e përmbytjeve humbën jetën dhjetëra persona ndërkohë që shumë persona janë ende në kërkim.

Bazuar në të dhënat zyrtare, deri në orët e paradites së sotme, si pasojë e vërshimeve, ka humbur jetën shtetasi i Kosovës Sh.D. si dhe një vajzë me shtetësi gjermane V.K. , që ka njërin prind me shtetësi të Kosovës.


Zyra e Kryeministrit të Republikës së Kosovës shprehu ngushëllime të sinqerta familjeve Delija dhe Koxha. Në këto ditë të rënda pikëllimi, bashkëndjejmë dhimbjen me familjarët dhe lutemi që Gjermania mike të tejkalojë sa më parë këtë gjendje të rëndë.

Qeveria e Republikës së Kosovës, nëpërmjet ambasadës dhe konsullatave të Kosovës, thotë se është duke përcjellë nga afër situatën në Gjermani dhe është në kontakt me mërgatën në zonat e prekura nga kjo katastrofë natyrore.

Të gjithë bashkatdhetarët që kanë nevojë për asistencë të lajmërohen në çdo kohë në konsullatat më të afërta. Ky është numri emergjent i Konsullatës së Përgjithshme të Republikës së Kosovës në Frankfurt am Main, që është në dispozicion 24 orë: +49 152 290 84 675

Lexo edhe

Video

error: