​Qeveria merr një sërë vendimesh, miratohet edhe ndarja e mjeteve buxhetore për subvencion të policave kufitare

Qeveria e Kosovës, në mbledhjen e sotme ka marrë një sërë vendimesh.  Kabineti qeveritar, i udhëhequr nga kryeministri, Albin Kurti miratuan ndarjet buxhetore për zbatimin e disa masave të pakos, siç po e quajnë për ringjallje ekonomike, si dhe projektligje dhe drafte të planeve strategjike të veprimit.

Ekzekutivi miratoi Projektligjin për ratifikimin e marrëveshjes së financimit “Projekti emergjent i Kosovës për Covid 19, financim shtesë, në mes të Kosovës dhe Asociacionit Ndërkombëtar për Zhvillim.

Miratuan edhe draftin e planit të veprimit për zbatimin e fazës së dytë të prioriteteve politike të dakorduara ndërmjet BE-së dhe Kosovës për agjendën për reforma evropiane. Ndërkohë, miratuan edhe Draftin e Strategjisë për Sundimin e Ligjit 2021-2026.


Në kuadër të zbatimit të pakos ekonomike, Qeveria miratoi vendimin për ndarjen e mjeteve  buxhetore për subvencionimin e policave kufitare për zbatimin e vendimit të qeverisë, si mbështetje ndaj mërgatës.

E bënë edhe ndarjen e mjeteve buxhetore edhe Fondin për Garanci Kreditore si zbatim i masës. 2.2 të pakos për ringjallje ekonomike.

Vendim morën edhe për ndarjen e mjeteve buxhetore për Ministrinë e Financave për mbështetje për pensionistët dhe familjet me asistencë sociale, si rezultat i masës 3.2 të pakos për ringjallje ekonomike.

Lexo edhe

Video

1 Koment

Komentet janë të mbyllura.