​Mourinho: Ky është mbrojtësi më i mirë në botë

​Mourinho: Ky është mbrojtësi më i mirë në botë

Jose Mourinho e ka cilësuar mbrojtësin e Manchester Cityt Ruben Dias si qendërmbrojtësin më të mirë në futbollin botëror përpara Euro 2020.

Dias, 24 vjeç, është vlerësuar shumë për ndikimin e tij në skuadrën e Cityt sezonin e kaluar pas transferimit të tij prej 65 milionë funteve nga Benfica në shtator të vitit 2020

Qendërmbrojtësi portugez u bë një figurë instrumentale në vijën mbrojtëse të Pep Guardiolas pasi bëri 32 paraqitje në kampionat, përcjellë KosovaPress.

Dias ngriti titullin e Premier Leagës dhe Kupën e Ligës në sezonin e tij të parë në Angli, por ai nuk arriti të siguronte titullin e Ligës së Kampionëve pas humbjes së Cityt ndaj Chelseat.


Sidoqoftë, ylli i Cityt u emërua lojtari më i mirë i sezonit në Premier League dhe siguroi një vend në Ekipin e Vitit të Ligës Premier PFA 2020-21.

Mourinho, i cili zëvendësoi Paulo Fonseca si menaxher i Romës, e quajti Diasin një qendër mbrojtës fantastik dhe tha se ai është duke arritur një nivel tjetër njohurie nga koha e tij me Cityn.

Menaxheri 58-vjeçar Portugez shkroi për The Sun: “Ruben Dias është qendërmbrojtësi më i mirë në botë tani. Me kalimin e tij në Premier League me Manchester Cityn, ai po merr një nivel tjetër të njohurive.”

“Ai është një qendërmbrojtës fantastik. Dhe pranë tij është Pepe, një 38-vjeçar me shumë përvojë. Kjo mund të jetë një forcë për Portugalinë pasi ata kanë shumë lojtarë të talentuar në sulm.”, tha në fund Mourinho.

Lexo edhe

Video

error: