​“Mërgimtarët na sjellin çokollata zvicerane”, Kurti në një fabrikë çokollatash

​“Mërgimtarët na sjellin çokollata zvicerane”, Kurti në një fabrikë çokollatash

Kryeministri Albin Kurti ka vizituar fabrikën zvicerane të prodhimit të çokollatës “Läderach”.

Duke shprehur kënaqësinë për vizitën, Kurti ka thënë se zakonisht kur mërgata jonë e madhe vjen në Kosovë, i sjellë familjes çokollata zvicerane.

“Me çokollatën zvicerane mirëpritet secili në Kosovë, por edhe kudo tjetër”, citohet të ketë thënë kryeministri sipas komunikatës zyrtare qeveritare.


Ai u ka bërë ftesë drejtuesve të fabrikës që të kenë parasysh hapjen e një dege të prodhimit të çokollatës edhe në Kosovë.

“Për shkak të diasporës sonë të madhe, posaçërisht në vendet gjermanofolëse Zvicër, Gjermani dhe Austri dhe dërgesave të tyre prej një miliard euro në vit, konsumi vendor është në shkallë të mirë”, ka thënë kryeministri Kurti.

Si faktorë të klimës së mirë për investime, ai ka potencuar indikatorët pozitivë ekonomikë, rritjen ekonomike impresive dyshifrore, si dhe punën drejt themelimit të Gjykatës Komerciale në Kosovë.

Lexo edhe

Video