​Lëndimi i De Bruyne, ja kur pritet t’i bashkohet Belgjikës

​Lëndimi i De Bruyne, ja kur pritet t’i bashkohet Belgjikës

Kevin De Bruyne ka pasur një operacion të vogël në fytyrë pas përplasjes që pati ne finalen e Ligës së Kampionëve kundër Chelsea të cilin e ka kaluar me sukses dhe pritet që të hënën t’i bashkohet Kombëtares së Belgjikës.

29 vjeçari, theu hundën dhe dëmtoi syrin e majtë në një përplasje me Antonio Rudiger, përcjellë KosovaPress.

Belgjika takohet me Rusinë në ndeshjen e parë të Euro 2020 më 12 qershor përpara se të përballet me Danimarkën më 17 qershor dhe Finlandën më21 qershor.


“Operacioni zgjati vetëm 20 minuta,” tha trajneri i Belgjikës Roberto Martinez. “Shkoi shumë mirë, shumë pozitivisht”.

Belgjika është ekipi i renditur më së larti në botë dhe De Bruyne është njëri nga lojtarët kryesor të kësaj kombëtareje.

“Kjo ndërhyrje e vogël ishte e nevojshme për një perspektivë afatgjatë. Ai nuk do të ketë nevojë për një shërim të gjatë.”, shtoi Martinez.

“Stafi mjekësor është i kënaqur me rezultatin. Ne po presim të hënën kur ai do të bashkohet me skuadrën tonë.”, theksoi ai.

Lexo edhe

Video