​Kusari-Lila: Zotimet në marrëveshjen e Uashingtonit nuk janë homogjene

Ushtruesja e detyrës së shefes së Grupit Parlamentar të Lëvizjes Vetëvendosje, Mimoza Kusari-Lila ka thënë se zotimet në marrëveshjen e Uashingtonit nuk janë homogjeni dhe kanë lloj-llojshmëri të temave.

Duke kritikuar ish kryeministrin Avdullah Hoti për nënshkrimin e saj, Kusari-Lila në seancën plenare ku po debatohet për Marrëveshjen e Uashingtonit tha se Kosova dhe Qeveria Kurti janë të palëkundur në kultivimin e raportorëve me ShBA-në, por në asnjë moment nuk merr vendime në dëm të vendit.

Ato zotime që ju i keni nënshkruar nuk janë zotime homogjene, nuk kanë njëtrajtshmëri në temat siç e thatë normalizimi ekonomik. Aty ka lloj-llojshmëri dhe aq shumë tema preken për të cilat edhe duhet të vendoset dhe votohet në këtë Kuvend”, tha ajo.


Kusari-Lila tha zotimi për pranim të mini-shegenit nga ana e ish kryeministrit Hoti e ka vënë në qendër Serbinë, pasi projekti është i tillë.

“Nuk mundet as një plan fizibiliteti të cenojë sovranitetin e Kosovës, jo tani, por asnjëherë tjetër. Sovranitetin e cenon një qeverisje e papërgjegjshëm, e cenon moszbatimi i ligjeve dhe jo ligjshmëria e një qeverisje jo kushtetues. Nuk mund të kërkoni përgjigje në pyetje të cilën e keni mohuar vet para se të niseshit në Uashington”

Pavarësisht kundërshtimit të kësaj marrëveshje, Kusari-Lila tha se Qeveria Kurti është e palëkundur në raportet me ShBA-në.

“Kosova dhe qeveria e saj janë të palëkundur në raportet me ShBA dhe kultivimin e raporteve me ta. Asgjë nuk mund të vë në dyshim dhe krijojë kriza të paqena ndërmjet dy vendeve. Po ashtu qeveria e Kosovës në asnjë moment nuk merr vendime në dëm të vendit”, tha ajo.

Lexo edhe

Video