​Kurti nga Franca: Do të jemi pranë artistëve tanë dhe do t’i përkrah ata si asnjëherë më parë

​Kurti nga Franca: Do të jemi pranë artistëve tanë dhe do t’i përkrah ata si asnjëherë më parë

Pas vizitës dy ditore në Francë, kryeministri i Kosovës, Albin Kurti thotë se Qeveria me të cilin udhëheq ai do të jetë e artistëve kosovarë dhe se do t’i përkrahë ata si kurrë më parë.

Në Festivalin e Cannes Kosova kishte dy filma të cilët u shfaqën në këtë festival.

Për çka Kurti i cili mori pjesë në këtë festival bashkë me bashkëshorten dhe vajzën e tij, tha se rëndësia e artit dhe e shtetit të Kosovës po bëhen bashkë për vetëdijen dhe shqisat e miliona shikuesve të huaj dhe mijëra artistëve të famshëm.


“Kosova është bërë forcë ndërkombëtare në kinematografi. Nuk e takuam asnjë personalitet arti e kulture që nuk dinte për Kosovën. Samir Karahoda dhe Luàna Bajrami ishin krah për krah në Cannes me artistët më të shquar që erdhën këtu prej anekënd globit. Nga shumë mijëra filma ky Festival përzgjodhi rreth një dyzinë sosh për secilën kategori. Shumica dërrmuese e vendeve të botës nuk u kualifikuan. E Kosova kishte dy filma që u shfaqën dhe garuan. Rëndësia e artit dhe vlerat tona po bëhen bashkë për vetëdijen dhe shqisat e miliona shikuesve të huaj dhe mijëra artistëve të famshëm. Në kuadër të vizitës dyditore në Cannes takova Jerome Paillard, drejtorin e Marche dú Film të Kanës, tregut më të madh të filmit në botë; Stefan Laudyn, Drejtorin e Festivalit Ndërkombëtar të Varshavës; Nikolaj Nikitin, drejtorin e SOFA – shkolla për avancimin e filmit; Katriel Schorry, nga Fondi i Filmit të Izraelit, dhe Helge Albers, nga Fondi i Filmit të Hamburgut. I falënderova për mbështetjen e filmit dhe artistëve nga Kosova si dhe diskutuam për mundësitë e shtimit të bashkëpunimit”, ka shkruar Kurti.

Kurti ka treguar edhe për vizitën që pati me ministrin Francez të Kurlutës, Roelyne Bachelot.

“Po ashtu takova edhe Ministren Franceze të Kulturës, znj. Roselyne Bachelot, me të cilën biseduam për avansimin e prodhimit të përbashkët të filmave, si dhe kryebashkiakun e Cannes, z. David Lisnard. E në fund, ishte kënaqësi të takoj Kryetarin e Jurisë sivjet, regjisorin Spike Lee, si dhe regjisorin italian Paolo Sorentino. Qeveria që e udhëheq do të jetë pranë artistëve tanë dhe do t’i përkrah ata si asnjëherë më parë”, përfundon shkrimi i Kurtit në “facebook”.

Lexo edhe

Video

error: