​Kraja: Pavarësinë e Kosovës e kemi përjetuar si synim jetësor

​Kraja: Pavarësinë e Kosovës e kemi përjetuar si synim jetësor

Kryetari i Akademisë së Shkencave dhe Arteve të Kosovës, Mehmet Kraja ka theksuar se në çdo përvjetor të Pavarësisë së Kosovës, ta ndejmë se Kosova është atdheu ynë dhe se nuk kemi një tjetër vend ku mund të jetojmë dhe ku mund t’u japim pamje ëndrrave tona.

Në Akademinë e Shkencave dhe Arteve të Kosovës sonet është hapur ekspozita artistike, kushtuar 12-vjetorit të Pavarësisë së Kosovës.

Në hapjen e ekspozitës, Mehmet Kraja theksoi se Pavarësinë e Kosovës duhet ta konsiderojmë si vlerë, që duhet çmuar, me të cilën duhet të mburremi dhe duhet ta ruajmë me paqe e pasion.


“Ne këtu në Akademi jeni një gjeneratë që Pavarësinë e Kosovës, kryesisht e kemi përjetuar si synim jetësor, se kush si ëndërr, se kush si ideal të paarritshëm, por të gjithë në një mënyrë, bashkë me ju të gjeneratës më të re, pavarësinë e Kosovës e konsiderojmë vlerë, që duhet çmuar, me të cilën duhet të mburremi dhe duhet ta ruajmë me paqe, pasion, siç e kemi krijuar dhe me po aq sakrificë, siç e bëmë historinë e saj”, tha ai.

Ai deklaroi se të gjithë se bashku, duam që pavarësia e Kosovës të jetë histori suksesi dhe në çdo përvjetor të saj ta ndejmë se Kosova është atdheu ynë dhe se nuk kemi një tjetër vend ku mund të jetojmë dhe ku mund t’u japim pamje ëndrrave tona.

“Kjo ekspozitë, me veprat e fondit të Akademisë, është një Kosovë e abstraksionit, e ngjyrave, e  vijave, e formave që krijojnë idenë e një shumësie të shumë zërave, zëra që vinë nga e shkuara po aq ë largët, kur të kesh një ideal kishte kuptim dhe një ideal, kur të kërkosh ideal kërkimin e lirisë kishte domethënie qenësore”, tha Kraja.

Lexo edhe

Loading...
error: