​Kërkohet paraburgim ndaj 27-vjeçarit i cili u gjet me narkotikë në afërsi të shkollës “Gjergj Fishta”

​Kërkohet paraburgim ndaj 27-vjeçarit i cili u gjet me narkotikë në afërsi të shkollës “Gjergj Fishta”

Prokuroria Themelore në Prishtinë, konkretisht Departamenti i Krimeve të Rënda, ka paraqitur kërkesë për caktimin e masës së paraburgimit në Gjykatën Themelore në Prishtinë, ndaj të pandehurit B.G., 27-vjeç, në drejtim të veprave penale “Blerja, posedimi, shpërndarja dhe shitja e paautorizuar e narkotikëve, substancave psikotrope dhe analoge”, nga neni 267 dhe “Mbajtja në pronësi, kontroll ose posedim të paautorizuar të armëve “, nga neni 366 të Kodit Penal të Republikës së Kosovës.

Personi i lartcekur, të enjten, fillimisht është arrestuar nga policia në afërsi të shkollës “Gjergj Fishta”, në Prishtinë, me ç’ rast të njëjtit i është gjetur një sasi e vogël substancë narkotike e llojit marihuanë, 2320 euro dhe një thikë.


Me kërkesë të Prokurorit të Shtetit dhe aprovim nga gjyqtari i procedurës paraprake, është bastisur shtëpia e të dyshuarit, ku janë gjetur dhe sekuestruar: 48 qese të vogla me 39 gramë substancë narkotike e llojit marihuanë, një peshore digjitale, një armë AK47 me një karikator dhe 50 fishekë dhe një revole me një karikator dhe 8 fishekë.

Me urdhër të Prokurorit të Shtetit, i njëjti është ndaluar në kohëzgjatje prej 48 orësh, derisa ndaj kësaj çështje penale do ndërmerren veprimeve hetimore deri në epilogun përfundimtar.

Lexo edhe

Video