​Gabriel Jesus mund të përfundojë te gjiganti i Serie-A

​Gabriel Jesus mund të përfundojë te gjiganti i Serie-A

Agjenti i sulmuesit të Manchester Cityt, Gabriel Jesus thuhet se do të zhvillojë bisedime me Juventusin për një lëvizje të mundshme në Torino këtë verë.

25-vjeçari është lidhur shumë me një largim nga “Etihad Stadium” pas ardhjes së Erling Braut Haaland dhe Julian Alvarez.

Jesus ka tërhequr interes nga treshja e Premier Ligës Arsenali, Chelsea dhe Tottenhami, me të parën që identifikon brazilianin si objektivin e tyre kryesor për të zëvendësuar Alexandre Lacazetten.


Megjithatë, “Calciomercato”, ​​pretendon se agjenti i Jesus do të takohet së shpejti me përfaqësuesit e Juventusit në lidhje me një kalim të përhershëm të tij në Serie A, përcjellë KosovaPress.

Raporti shton se gjigantët italianë kanë besim se mund ta bindin Jesusin të nënshkruajë me ta, pasi janë të përgatitur të plotësojnë kërkesat për pagë nga ana e sulmuesit dhe paraqitjen në Ligën e Kampionëve.

Jesus, i cili ka shënuar 95 gola dhe 46 asistime në 236 paraqitje për Man Cityn, ka vetëm një vit të mbetur në kontratën e tij dhe ai mund të shitet për rreth 50 milionë euro këtë verë.

Lexo edhe

Video