​Autoriteti i Konkurrencës: Nuk kemi mandat që të rregullojmë çmimet e ndonjë produkti

​Autoriteti i Konkurrencës: Nuk kemi mandat që të rregullojmë çmimet e ndonjë produkti

Autoriteti Kosovar i Konkurrencës (AKK), ka sqaruar se nuk kanë mandat që të rregullojnë çmimet e ndonjë produkti ose shërbimi. Sqarimi erdhi se kohët e fundit në AKK janë adresuar ankesa lidhur me ngritjen e çmimeve të produkteve.

Megjithatë, pas rrethanave të krijuara me çmimet e disa produkteve, AKK thotë se ka intensifikuar monitorimin e tregjeve për t’u siguruar që ndërmarrjet nuk janë duke e shkelur Ligjin për Mbrojtjen e Konkurrencës përmes praktikave të përmendura sipër


AKK ka risqaruar rolin e saj.

“Kohëve të fundit, në Autoritetin Kosovar të Konkurrencës (AKK) janë adresuar ankesa lidhur me ngritjen e çmimit të disa produkteve në tregun e Kosovës. Për këtë arsye, përmes kësaj deklarate për media, sqarojmë se AKK, ashtu siç është rasti me çdo institucion tjetër për mbrojtjen e konkurrencës në rajon dhe në vendet e Bashkimit Evropian, nuk ka mandat që të rregullojë çmimet e ndonjë produkti ose shërbimi. Mandati themelor i AKK-së është mbrojtja e konkurrencës së lirë si parakusht për një zhvillim të qëndrueshëm ekonomik dhe kjo nënkupton që AKK vepron kur cenohet, pengohet ose shtrembërohet konkurrenca në treg. Më konkretisht, Autoriteti i Konkurrencës mund të reagojë në ato raste kur ndërmarrjet veprojnë në mënyrë të koordinuar (pra, nëse një veprim i tillë është rezultat i marrëveshjes së tyre eksplicite, përmes formës se kartelit-marrëveshjes së ndaluar apo sjelljeve te tyre ne treg – praktikës së bashkërenduar). Gjithashtu, AKK mund të reagojë edhe ndaj ndërmarrjeve që kanë pozitë dominuese në treg dhe të cilët keqpërdorin këtë pozitë”, thuhet në reagimin e AKK-së.

Tutje thuhet se “Natyrisht, pas rrethanave të krijuara me çmimet e disa produkteve, AKK ka intensifikuar monitorimin e tregjeve për t’u siguruar që ndërmarrjet nuk janë duke e shkelur Ligjin për Mbrojtjen e Konkurrencës përmes praktikave të përmendura sipër. Përveç kësaj, AKK në vazhdimësi është duke avokuar përmes formave të ndryshme që të rris vetëdijen e operatorëve të tregut për Ligjin për Mbrojtjen e Konkurrencës”.

Lexo edhe

Video

1 Koment

  • […] ​Autoriteti i Konkurrencës: Nuk kemi mandat që të rregullojmë çmimet e ndonjë produkti Ngritja e çmimeve, qytetarët kërkojnë ndërhyrjen e Qeverisë SBAShK: Ngritja e çmimeve po shton pakënaqësitë, Qeveria të veprojë Sot pritet miratimi i buxhetit, OEK: Rritja e buxhetit 2022 si pasojë e ngritjes së çmimeve AAK kërkon debat parlamentar për ngritjen e çmimeve Për hetimin e rritjes së çmimeve, Murati: Kompetente janë Inspektorati i Tregut dhe Autoriteti i Konkurrencës Rritja e çmimeve, Kurti sërish paralajmëron një pako të masave për t’iu dalë në ndihmë qytetarëve Alarmante: Shtrenjtohet buka deri në 50 centë, e papërballueshme për qytetarët! ​Kurti për rritjen e çmimeve: Ata që po na fajësojnë, kurrë nuk e kanë pasur brengë çmimin e bukës […]

Komentet janë të mbyllura.