​17-vjeçari humb jetën në një aksident trafiku në Ferizaj

​17-vjeçari humb jetën në një aksident trafiku në Ferizaj

Një 17-vjeçar ka humbur jetën në një aksident që ndodhi mëngjesin e së martës në fshatin Talinovc të Muhaxherëve në Ferizaj.

“Sot, rreth orës 06:50 në fshatin Talinovc të Muhaxherëve në Ferizaj, ka ndodhur një aksident komunikacioni rrugor, e përshirë vetëm një automjet civil i udhëtarëve me targa vendore. Deri te aksidenti dyshohet të ketë ardhur, kur automjeti i udhëtarëve ishte duke lëvizur në rrugën lokale, nga fshati Pojatë në drejtim të Ferizajt dhe për shkak të mospërshtatjes së shpejtësisë së lëvizjes së automjetit,  drejtuesi humb kontrollin mbi automjet, kalon në anën e djathtë të rrugës, drejtimi i lëvizjes dhe godet një shtyllë elektrike të betonit, ku dhe përfundon jashtë rrugës.  Si pasojë e këtij aksidenti të komunikacionit,  humb jetën pasagjeri  L.A. ( M/K), i moshës 17 vjeçar, ( vdekjen e tij, e ka konfirmuar në vendin e ngjarjes, mjeku nga Qendra Emergjente e Spitalit Rajonal të Ferizajt)”, thuhet në njoftimin e Policisë së Kosovës për rajonin e Ferizaj.


Ndërsa lëndime ka marrë edhe shoferi 21-vjeçar i cili është dërguar në Qendrën Klinike Universitare të Kosovës (QKUK),

“Lëndime trupore pëson, drejtuesi i automjetit N.A ( M/K) i moshës 21 vjeçar, i cili pasi ka marr ndihmën mjekësore në Qendrën Emergjente në Ferizaj, i njëjti për tretman të mëtutjeshëm mjekësor është dërguar në  Qendrën Klinike Universitare në Prishtinë. Me vendim të Prokurorit të Prokurorisë Themelore në Ferizaj, trupi i pajetë dërgohet në Institutin e Mjekësisë Ligjore në Prishtinë.  Njësia Rajonale e Komunikacionit Rrugor nga Drejtoria Rajonale e Policisë në Ferizaj , i ka marrë të gjitha masat e nevojshme dhe po e heton rastin”, thuhet tutje në komunikatë.

Lexo edhe

Video

error: