Vitia përfiton grant për fasadim

Viti, (Kosovapress) 27 Korrik 2012 09:47

Sot në qytetin e Vitisë do të bëhet inaugurimi i projektit të “Fasadimit të Objekteve”, i cili do të financohet nga Qeveria zvicerane projekti Zvicër-Kosovë për Qeverisje Lokale dhe Decentralizim LOGOS, ka njoftuar Zyra për Informim Publik e kësaj komune.

Ky projekt përfshinë fasadimin e objekteve të ndryshme në Komunën e Vitisë, si të objekteve institucionale, stacioni policor, Gjykatës Komunale, administrata komunale si dhe objektet e tjera në qytetin e Vitisë, thuhet ndër të tjera në komunikatën e lëshuar nga Zyra për Informim Publik e Komunës së Vitisë.

Në inaugurimin e këtij projekti do të marrin pjesë Kryetari i Komunës së Vitisë, Nexhmedin Arifi si dhe përfaqësues të Qeverisë zvicerane, respektivisht përfaqësues të projektit në fjalë. Prerja e shiritit do të bëhet prej orës 12:00 në vendin e quajtur “Pasqyrja në Viti”.