U zbulua busti i heroit Mehë Uka

Mitrovicë, (Kosovapress) 30 Qershor 2012 17:17

Drejtues të Komunës së Mitrovicës, përfaqësues të shoqatave të luftës së UÇK-së dhe mysafirë të shumtë morën pjesë të shtunën në zbulimin e bustit të heroit, Mehë Uka, në oborrin e shkollës me të njëjtin emër në fshatin Bajgorë. Folësit vlerësuan lartë veprën dhe jetën e Mehë Ukës, i cili para pak ditësh është shpallur hero i Kosovës nga presidentja e vendit.

Kryetari i komunës, Avni Kastrati, tha se është krenari për të gjithë ata që mund ta nderojnë njërin prej djemëve mitrovicas që u bë figurë e shquar e Ushtrisë Çlirimtare të Kosovës.

“Ai nuk pranoi të jetonte në një kohë të paemër, prandaj i dha emër kohës së tij, duke iu bashkangjitur listës së gjatë të dëshmorëve, të cilët po e shkruanin historinë me gjakun e tyre”, ka thënë Kastrati.

Kryetari i komunës, Avni Kastrati, tha se është krenari për të gjithë ata që mund ta nderojnë njërin prej djemëve mitrovicas që u bë figurë e shquar e Ushtrisë Çlirimtare të Kosovës.

Ai theksoi se Mehë Uka ishte pjekur me këngët për trimat e Shalës dhe të gjithë Kosovës, të cilët për asnjë moment nuk ishin lodhur së luftuari për truallin e shqipeve.

“Ai u bë pjesë e UÇK-së, vlerës më të shenjtë që ka pasur dhe që do ta ketë Kosova ndonjëherë. Ra duke qenë pjesë e saj, i ri, i bukur dhe i madh sa janë edhe bjeshkët e Shalës së tij”, tha Kastrati.

Në emër të familjes të pranishmit i ka falënderuar për pjesëmarrje, Rasim Uka, vëllai i heroit, ndërsa bustin e ka zbuluar kryetari i komunës bashkë me të ëmën e heroit dhe disa veprimtarë të çështjes kombëtare. /Kosovapress/

Më të komentuarat

Lajmet e Fundit

Nacionale

U zbulua busti i heroit Mehë Uka

Më të komentuarat

Abonohuni për lajme me email

Dergo Artikullin ne Email

Kyçu

U zbulua busti i heroit Mehë Uka

Të tjera nga rubrika

Më të komentuarat

Abonohuni për lajme me email

Dergo Artikullin ne Email