Policia: Protestuesit kanë filluar të shpërndahen

Prishtinë, (Kosovapress) 27 Shkurt 2012 15:40

Zyrtarët për informim të Policisë së Kosovës thonë se protesta e organizuar nga Lëvizja Vetëvendosje deri në ora 15.00 ka rrjedhur pa ndonjë incident. Sipas tyre, protestuesit kanë filluar të shpërndahen dhe aktualisht numri i tyre sillet në rreth 200 persona.

Informacionet lidhur me protestën e organizuar nga Vetëvendosje në sheshin “Nëna Terezë” në Prishtinë, saktësisht përballë objektit të...

Informacionet lidhur me protestën e organizuar nga Vetëvendosje në sheshin “Nëna Terezë” në Prishtinë, saktësisht përballë objektit të Qeverisë, zyrtarët e Policisë së Kosovës i kanë dhënë përmes komunikatave për media.

“Policia e Kosovës është duke menaxhuar me situatën e sigurisë dhe çdo gjë është nën kontroll. Deri ne këto momente zyrtarët policor nuk kanë intervenuar në asnjë rast. Protestuesit kanë filluar të shpërndahen dhe sipas vlerësimeve nga tereni numri i tyre deri në këto moment është rreth 200 persona”, thuhet në komunikatën e policisë, e cila është leshura në ora 15.10.