Shembullorët defilojnë nëpër rrugët e qytetit

Mitrovicë, (Kosovapress) 26 Qershor 2012 11:08

Qindra nxënës të shkollave fillore të Mitrovicës, të cilët kanë mbaruar vitin shkollor me sukses të shkëlqyeshëm kanë defiluar të hënën mbrëma nëpër rrugët e qytetit duke festuar suksesin e arritur. Ky defilim që është quajtur si “Rreshti i shembullorëve” është organizuar nga Drejtoria e Arsimit, me synimin që të bëhet një manifestim tradicional.

Drejtori i kësaj drejtorie, Ali Bejta, ka thënë se manifestimi “Rreshti i shembullorëve” organizohet për herë të parë në Kosovë në shenjë të përmbylljes së vitit shkollor 2011/12 dhe rezultateve të treguara dhe se ai do të jetë tradicional, në mënyrë që të jetë si një lloj motivi shtesë edhe për nxënësit tjetër që të arrijnë sukses të lartë në mësime. /Kosovapress/

Drejtori i kësaj drejtorie, Ali Bejta, ka thënë se manifestimi “Rreshti i shembullorëve” organizohet për herë të parë në Kosovë në shenjë të përmbylljes së vitit shkollor 2011/12 dhe rezultateve të treguara. “Nxënësit shembullorë të të gjitha shkollave të komunës kanë defiluar në qytet të shoqëruar nga mësimdhënësit e tyre deri në stadiumin e vjetër të qytetit ku është mbajtur manifestimi qendror”, ka thënë Bejta.

Ai ka pohuar se ky defilim do të jetë tradicional, në mënyrë që të jetë si një lloj motivi shtesë edhe për nxënësit tjetër që të arrijnë sukses të lartë në mësime. /Kosovapress/