Kuçi e mohon se ka gisht në zgjedhjet në UP

Prishtinë, (Kosovapress) 12 Korrik 2012 10:00

Edhe pse është folur se zëvendëskryeministri Hajredin Kuçi, gjatë dy javëve sa ka zgjatur dorëheqja e tij, është angazhuar që sa më shumë të rritet numri i “të dëgjuarve” të PDK-së si anëtarë të Senatit të Universitetit të Prishtinës, në mënyrë që ata të votojnë për zgjedhjen e rektorit që pritet të vjen nga koalicioni qeveritar, ai e mohon këtë, duke thënë se janë “punë të vogla” që të merret me to. Kuçi i tha KosovaPressit se gjatë këtyre dy javëve ka qenë në pushime me familjen e tij dhe nuk merret me këto “punë të vogla”.

“Jo nuk merrem unë me atë punë. Ajo çka do të them është që kam qenë nëntë ditë në Durrës, mund ta merrni në hotel faturën që kam qenë, jam marr me fëmijët e mi shumë mirë. Mos u boni merak se ajo është punë e vogël të merrem unë”, ka thënë ai.

Ndryshe, gjatë këtyre ditëve, është folur se Kuçi është duke përgatit rrugën që rektor i UP-së, të jetë kandidati i pëlqyer nga koalicioni qeveritar, Ibrahim Gashi, i cili ditë më parë ka dhënë dorëheqje nga posti i zëvendësministrit të Punëve të Jashtme dhe nënkryetar i AKR-së. Madje, sipas burimeve, Kuçi u angazhua që sa më shumë dekanë të fakulteteve, që njëherësh bëhen anëtar të senatit të Universitetit të Prishtinës, të jenë përkrahës së PDK-së, në mënyrë që ata ta zgjedhin rektorin.

Ai po ashtu tha se në karrierën e tij do të kërkoj çdoherë e më shumë dhe nuk do ta pranojë që të jetë zëvendëskryeministër, por as për president tha se nuk ka ambicie./Kosovapress/

Më të komentuarat

Lajmet e Fundit

Kulturë/Arsim

Kuçi e mohon se ka gisht në zgjedhjet në UP

Më të komentuarat

Abonohuni për lajme me email

Dergo Artikullin ne Email

Kyçu

Kuçi e mohon se ka gisht në zgjedhjet në UP

Të tjera nga rubrika

Më të komentuarat

Abonohuni për lajme me email

Dergo Artikullin ne Email